Quenn''è fernut''a recita 'e sta vita  na mana nera stu sipario 'nzerra.  Nun ce sta fierro, funa o calamita  ca nce pò trattené 'ncopp''a sta terra.    Cumparsa, cumprimario o primm'attore,  amma lassà "il proscenia della vita":  fatte e misfatte, disonore e gloria,  tutto purtammo 'e piere d'ò Signore.    Tu pure, Salvatò, mò si arrivato  cu nu bagaglio chine 'e sufferenza,  annanze 'a chillo Dio ca 'ngià criato,  e aspiette cu fiducia na sentenza.    Parlece chiaro nun avè appaura,  cuntele 'o bene e 'o male. 'O Vicchiariello  tutto perdona, ne può sta sicuro:  chi 'ngià criato nun è puveriello.    Ricuordele che gioia ch'e purtato  cu musica, ballette 'e cu surrise  pe 'mmieze 'e piazze e 'ncoppe 'o tavulato.  E, sta a vedè, ca pure 'Nparavise  te mette a cuncertà pe fà 'o triato.                                     Judex